maine kal shab chaahaton ki sab kitaaben faad deen sirf ik kaaghaz pe likkha lafz-e-maa rahne diya

sirf zinda rahne ko zindagi nahin kahte kuchh gham-e-mohabbat ho kuchh gham-e-jahaan yaaro

padi rahne do insaano ki laashen zameen ka bojh halka kyun karen ham

udaas rahne se ghazlon men jaan aati hai so poora dhyaan lagaakar udaas rahne lage

phir uske baad koi silsila nahin rakha jise muaaf kiya raabta nahin rakha

mujh ko us kii aankhoñ men koodne kii aadat hai main tumhein bataaunga khud-kushi ke baare men

main to ai ishq teri kooza-gari jaanta hooñ tune ham do ko milaaya to banaa ek hi shaKHs

mire aansoo mire andar hi gire rone se jee aur bojhal ho gaya

main apne aap men gahra utar gaya shaayad mire safar se alag ho gaii ravaani mirii

kya tamasha hai ki sab mujh...ko bura kahte hain aur sab chahte hain meri tarah ka hona