maana ke mohabbat ka chhupaana hai mohabbat chupke se kisi roz jataane ke li.e aa

ghar ki is baar mukammal main talaashi loonga gham chhupa kar mire maa baap kahaan rakhte the

mirii KHaamoshiyon ki jheel men phir kisi awaaz ka patthar giraa hai

usne dekha mujh...ko to kun dii lagaani chhod dii phir mire hothon pe ik aadhi kahaanii chhod dii main chhu paa.e phir raha tha ishq apne gaav men aur phir zaalim ne gardan pe nishaani chhod dii

KHvaab palkon ki hatheli pe chune rahte hain kaun jaane vo kabhi neend churaane aa.e mujh pe utre mere ilhaam ki baarish ban kar mujh ko ik boonden samandar men chhupaane aa.e

mirii barbaadiyon ka ham-nashino tumhein kya KHud mujhe bhi gham nahin hai

kuchh tumhaari nigaah kaafir thii kuchh mujhe bhi KHaraab hona tha

shauq ke haathon ai dil-e-muztar kya hona hai kya hogaa ishq to rusva ho hi chuka hai husn bhi kya rusva hogaa

ai shauq-e-nazara kya kahiye nazaron men koi soorat hi nahin ai zauq-e-tasavvur kya kijeye ham soorat-e-jaanaan bhool ga.e

tumne to hukm-e-tark-e-tamanna suna diya kis dil se aah tark-e-tamanna kare koii