tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

kisi ko ghar se nikalte hi mil gaii manzil koi hamaari tarah umr bhar safar men raha

khu dii ko kar buland itnaa ki har taqdeer se pahle KHuda bande se KHud pooche bataa teri raza kya hai

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

bichadkar uskaa dil lag bhi gaya to kya lagega vo thak jaayega aur mere gale se aa lagega main mushkil men tumhaare kaam aaun ya na aaun mujhe awaaz de lena tumhe achha lagega

tumne to hukm-e-tark-e-tamanna suna diya kis dil se aah tark-e-tamanna kare koii

phir kisi ke saamne chashm-e-tamanna jhuk gaii shauq ki shokhi men rang-e-ehtraam aa hi gaya

chhup ga.e vo saaz-e-hasti chhed kar ab to bas awaaz hi awaaz hai

ye qatl-e-aam aur be-izn qatl-e-aam kya kahiye ye bismil kaise bismil hain jinhen qaateel nahin milta vahaañ kitnon ko takht o taaj ka armaan hai kya kahiye jahaan sail ko akshar kaasa-e-saail nahin milta

ye aanaa koii aanaa hai ki bas rasman chale aa.e ye milnaa KHaak milnaa hai ki dil se dil nahin milta