kisi ko ghar se nikalte hi mil gaii manzil koi hamaari tarah umr bhar safar men raha

gale milnaa na milnaa to teri marzi hai lekin tere chehre se lagta hai teraa dil kar raha hai

dil se saabit karo ki zinda ho saans lena koi suboot nahin

tum poochho aur main na bataaun aise to haalaat nahin ek zaraa sa dil toota hai aur to koi baat nahin

koi haseen badan jin ki dastaras men nahin yahii kaheinge ki kuchh faaeda havas men nahin

chhup ga.e vo saaz-e-hasti chhed kar ab to bas awaaz hi awaaz hai

tumne to hukm-e-tark-e-tamanna suna diya kis dil se aah tark-e-tamanna kare koii

nahin har chand kisi gum-shuda jannat ki talash ik na ik khuld-e-tarb-naak ka armaan hai zaroor bazm-e-doshamba ki hasrat to nahin hai mujh ko meri nazaron men koi aur shabistaan hai zaroor

shauq ke haathon ai dil-e-muztar kya hona hai kya hogaa ishq to rusva ho hi chuka hai husn bhi kya rusva hogaa

mirii vafaa ka tira lutf bhi javaab nahin mire shabaab ki qeemat tira shabaab nahin