kisi gali men kiraye pe ghar liya usne phir us gali men gharo ke kiraye badhne lage

sabhi ka KHoon hai shaamil yahaañ ki miTTi men kisi ke baap ka hindustan thodii hai

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

shaakhon se toot jaayen vo patte nahin hain ham aandhi se koi kah de ki auqaat men rahe

sochun to saari umr mohabbat men kat gaii dekhooñ to ek shaKHs bhi meraa nahin hua

pata tha us se bichhadte hi dost gherenge vahii hua mujhe ranj-o-alam ne gher liya

nazar men rakhna kahii koi gham shanaas gaahak mujhe sukhun bechna hai kharcha nikaalna hai

main kis se poochoon ye rastaa durust hai ki galat jahaan se koi guzarta nahin vahaañ hooñ main

shab basar karne hai mahfooz thikaana hai koii koii jungle hai yahaañ paas men sehra hai koii

bhej deta hooñ magar pahle bataa doon tujh ko mujh se milta nahin koi mirii tasveer ke baad