mere aañsu nahin tham rahe ki vo mujhse juda ho gaya aur tum kah rahe ho ki chhodo ab aisa bhi kya ho gaya may-kadon men meri lainein padhte firte hain log maine jo kuchh bhi pee kar kaha falsafa ho gaya

use kisi se mohabbat thii aur vo main nahin tha ye baat mujhse zyaada use rulaati thii

ye shahar-e-ajnabi men ab kise ja kar bataayen ham kahaan ke rahne waale hain kahaan ki yaad aati hai

kitne aish se rahte honge kitne itraate honge jaane kaise log vo honge jo us ko bhaate honge

bas ye diqqat hai bhulaane men use uske badle men kis ko yaad karen

dekho to chashm-e-yaar ki jadoo-nigaahiyaan behosh ik nazar men hui anjuman tamaam

she'r dar-asl hain vahii hasrat sunte hi dil men jo utar jaayen

nahin aati to yaad unki maheenon tak nahin aati magar jab yaad aate hain to akshar yaad aate hain

paigham-e-hayat-e-javedaan tha har naghma-e-krishna baansuri ka

ham kya karen agar na tiri aarzoo karen duniya men aur bhi koi tere siva hai kya