ye dukkh alag hai ki usse main door ho raha hooñ ye gham juda hai vo KHud mujhe door kar raha hai tere bichhurne par likh raha hooñ main taza ghazlen ye teraa gham hai jo mujh...ko mashhoor kar raha hai

har she'r har ghazal pe hai aisi chaap teri tasveer ban rahi hai ik apne aap teri tere li.e kisi ko itnaa deewaana dekha lagne lagii hai mujh ko chaahat bhi paap teri

usne meraa maatha chooma aur waapas jaane ko thii maine bola she'r nahin tu mujh...ko poori ghazal suna

main to ghazal suna ke akela khada raha sab apne apne chaahne waalon men kho ga.e

paas hamaare aakar vo sharmati hai tab jaakar ke ek ghazal ho paati hai us..ko choona chhota mota khel nahin garmi kya sar dii men loo lag jaati hai

ghar aate aate saudaagar ho jaaun itnaa bhi bazaar nahin dekhoonga main

ishq men dhokha khaane waale bilkul bhi mayus na ho is raaste men thoda aage maikhaana bhi aata hai

zabt karo gar gham ke baadal chhaaye hain raqs karo ke baarish aane waali hai

ishq hamaara chaand sitaare choo lega ghutnon par aakar izhaar kiya hamne

baat zaraa aage badh sakti hai darpan ab ik number dial bhi ho saka hai