shaakhon se toot jaayen vo patte nahin hain ham aandhi se koi kah de ki auqaat men rahe

hamaare baad tere ishq men naye ladke badan to choomenge zulfen nahin sanvaarenge

mere aañsu nahin tham rahe ki vo mujhse juda ho gaya aur tum kah rahe ho ki chhodo ab aisa bhi kya ho gaya may-kadon men meri lainein padhte firte hain log maine jo kuchh bhi pee kar kaha falsafa ho gaya

khu dii ko kar buland itnaa ki har taqdeer se pahle KHuda bande se KHud pooche bataa teri raza kya hai

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

ishq men dhokha khaane waale bilkul bhi mayus na ho is raaste men thoda aage maikhaana bhi aata hai

maheenon tak raha karte the sab mehmaan aankhoñ men magar ab khwaab bhi aate nahin veeraan aankhoñ men zamaan e hijr kehne ko rivaaz e ishq hi to hai magar kya kya nahin hota hai is dauraan aankhoñ men

zabt karo gar gham ke baadal chhaaye hain raqs karo ke baarish aane waali hai

ek titli se vaa'da hai so gulshan men ghalti se bhi khaar nahin dekhoonga main khaar kaante

ishq hamaara chaand sitaare choo lega ghutnon par aakar izhaar kiya hamne