koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

tumhein ham bhi sataane par utar aayen to kya hogaa tumhaara dil dukhaane par utar aayen to kya hogaa ha men badnaam karte phir rahe ho apni mehfil men agar ham sach bataane par utar aayen to kya hogaa

ham bhi dariyaa hain ha men apna hunar maaloom hai jis taraf bhi chal padenge raasta ho jaayega

hamko maaloom hai jannat ki haqeeqat lekin dil ke KHush rakhne ko ghalib ye khayal achha hai

jo khandaani raeis hain vo mizaaj rakhte hain narm apna tumhaara lahjaa bataa raha hai tumhaari daulat nayi nayi hai

jo tu nahin thii to aur bhi the jo tu na hogii to aur honge kisi ke dil ko jala ke kahte ho meri jaañ ye muhavra hai

ai mirii zaat ke sukoon aa ja tham na jaa.e kahii junoon aa ja is se pahle ki main aziyyat men apni aankhoñ ko noch luun aa ja

tumhein pata hai mire haath ki lakeeron men tumhaare naam ke saare huroof bante hain

poochne par vo ye kah dega yuñ hi she'r hue vaise yuñ hi koi harqat nahin ki jaati hai

ye hunar rab ne meri zaat men rakha hua hai achchhe achho ko bhi auqaat men rakha hua hai