tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

shaakhon se toot jaayen vo patte nahin hain ham aandhi se koi kah de ki auqaat men rahe

teri soorat se hai aalam men bahaaron ko sabaat teri aankhoñ ke siva duniya men rakha kya hai

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

kisi ko ghar se nikalte hi mil gaii manzil koi hamaari tarah umr bhar safar men raha

poochne par vo ye kah dega yuñ hi she'r hue vaise yuñ hi koi harqat nahin ki jaati hai

de rahe hain log mere dil pe dastak baar baar dil magar ye kah raha hai sirf tu aur sirf tu

ai mirii zaat ke sukoon aa ja tham na jaa.e kahii junoon aa ja is se pahle ki main aziyyat men apni aankhoñ ko noch luun aa ja

ham tohfe men ghadiyaan to de dete hain ek dooje ko waqt nahin de paate hain aañkhen black and white hain to phir in men rang birange khwaab kahaan se aate hain

tumhein pata hai mire haath ki lakeeron men tumhaare naam ke saare huroof bante hain