kabhi to chaunk ke dekhe koi hamaari taraf kisi ki aankh men ham ko bhi intizaar dikhe

padi rahne do insaano ki laashen zameen ka bojh halka kyun karen ham

ishq men kahte ho hairaan hue jaate hain ye nahin kahte ki insaan hue jaate hain

faqat apni takleef dikhti hai tujh ko kabhi tu samajhta hai insaan mujh ko

tank aage badhein ki peeche haten kokh dharti ki baanjh hoti hai

vo ab meraa nahin ye maanna aasaan yuñ ho jaa.e barabar ex ke kuchh maan lena jitna aasaan tha

suna hai baad marne ke sabhi achha bataate hain mujhe bhi sabke hothon se meri taa'riif sunni hai

mil jaa.e ai safar bhi dil-o-jaan ko sukoon ghalib ke pairhan ka main ghaaga jo ho sakoon

muddat se itnaa KHaamosh raha hooñ main ki goongon se bhi baat main ab kar saka hooñ

main sarkaar ki naakaami par ungli nahin uthaaunga aaKHir ik sarkaari naukar ke kaaran main shayar hooñ