sab kuchh to hai kya dhundti rahtii hain nigaahen kya baat hai main vaqt pe ghar kyun nahin jaata

main to ghazal suna ke akela khada raha sab apne apne chaahne waalon men kho ga.e

mire ghar kyun le aate ho gali bazaar ki baatein chidhaati hain mujhe jhoothe bike akhbaar ki baatein mukarta hai hamesha tu ki.e vaade nibhaane se tere vaade tiri qasmen hui sarkaar ki baatein

ham ik hi lau men jalate rahe ghazal apni nayi hawa se bachaate rahe ghazal apni darasl us..ko faqat chaai khatm karne thii ham uske cup ko sunaate rahe ghazal apni

har she'r har ghazal pe hai aisi chaap teri tasveer ban rahi hai ik apne aap teri tere li.e kisi ko itnaa deewaana dekha lagne lagii hai mujh ko chaahat bhi paap teri

vaqt har zakham ka marham to nahin ban saka dard kuchh hote hain ta-umr rulaane waale

tum sitaaron ke bharose pe na baithe rahna apni tadbeer se taqdeer banaate jaao

badaa ghaate ka sauda hai sadaa ye saans lena bhi badhe hai umr jyun-jyun zindagi kam hoti jaati hai