ham vo hain jo KHuda ko bhool ga.e tum meri jaan kis gumaan men ho

teri soorat se hai aalam men bahaaron ko sabaat teri aankhoñ ke siva duniya men rakha kya hai

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

ham bhi dariyaa hain ha men apna hunar maaloom hai jis taraf bhi chal padenge raasta ho jaayega

sochun to saari umr mohabbat men kat gaii dekhooñ to ek shaKHs bhi meraa nahin hua

mere saath chalne kii shart par kaii log chal to pade magar koii raaste men badal gaya koii raasta hi badal gaya

itnaa kamzarf na ban us ke bhi seene men hai dilus ka ehsaas bhi rakh apni hi raahat pe na ja

kisi ko saal-e-nau ki kya mubaarakbaad dii jaa.e calendar ke badlne se muqaddar kab badalta hai

diary men saare achchhe she'r chun kar likh li.e ek ladki ne mira deevaan khaali kar diya

guftugoo der se jaarii hai nateeje ke baghair ik nayi baat nikal aati hai har baat ke saath