hamko dil se bhi nikala gaya phir shahar se bhi hamko patthar se bhi maara gaya phir zehar se bhi

tum poochho aur main na bataaun aise to haalaat nahin ek zaraa sa dil toota hai aur to koi baat nahin

ham to kuchh der hañs bhi lete hain dil hamesha udaas rehta hai

suhaagan bhi bataa degi magar tum poochho vidhwa se ye mangalsutra zever ke alaava bhi bahut kuchh hai ye kya ik maqbare ko aakhri had maan baithe ho mohabbat sang-e-marmar ke alaava bhi bahut kuchh hai

bahut mazaak udaate ho tum ghareebon ka madad to karte ho tasveer kheench lete ho

jaane kis haal men ham hain ki ha men dekh ke log ek pal ke li.e rukte hain guzar jaate hain

faraaz tark-e-taalluq to KHair kya hogaa yahii bahut hai ki kam kam mila karo us se

kise khabar vo mohabbat thii ya raqabat thii bahut se log tujhe dekh kar hamaare hue

gham-e-duniya bhi gham-e-yaar men shaamil kar lo nashsha badhta hai sharaaben jo sharaabon men milen

ham dohri aziyyat ke giriftaar. musafir paanv bhi hain shal shauq-e-safar bhi nahin jaata