pyaar do baar thodii hota hai ho to phir pyaar thodii hota hai yahii behtar hai tum use roko mujhse inkaar thodii hota hai

eed KHushiyon ka din sahi lekin ik udaasi bhi saath laati hai zakham ubharte hain jaane kab kab ke jaane kis kis ki yaad aati hai

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

dukh apna agar ham ko bataana nahin aata tum ko bhi to andaaza lagana nahin aata

aur bhi dukh hain zamaane men mohabbat ke siva raahatein aur bhi hain vasl ki raahat ke siva

har koi sabr ki talqeen kiya karta hai par koi ye to bataaye ki karoon main kaise

chadhte huve e shams dikha taav bhi magar ye jaan le ki shaam dhale doob jaayega

aisi hain qurbatein ke mujhi men basa hai vo aise hain faasle ke nahin raabta naseeb

main samajhta hooñ mol miTTi ka mere kheton men sona ugta hai

chaalees saal is ko akelaa nibhaaenge ye chaar saal ka jo muqaddam tha darmiyaañ