tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

kisi ko ghar se nikalte hi mil gaii manzil koi hamaari tarah umr bhar safar men raha

bichadkar uskaa dil lag bhi gaya to kya lagega vo thak jaayega aur mere gale se aa lagega main mushkil men tumhaare kaam aaun ya na aaun mujhe awaaz de lena tumhe achha lagega

ham vo hain jo KHuda ko bhool ga.e tum meri jaan kis gumaan men ho

mujh se mat poochho ke us shaKHs men kya achha hai achchhe achhon se mujhe meraa bura achha hai kis tarah mujh se muhabbat men koi jeet gaya ye na kah dena ke bistar men badaa achha hai

kuchh to karen ki dil ye kahii aur ja lage kuchh der ke li.e sahi aankhoñ ko chain ho

chaalees saal is ko akelaa nibhaaenge ye chaar saal ka jo muqaddam tha darmiyaañ

har koi sabr ki talqeen kiya karta hai par koi ye to bataaye ki karoon main kaise

duaaein de rahe hain us..ko zindagi ki magar humeen hain jisne ki jeena muhaal kar diya hai

main samajhta hooñ mol miTTi ka mere kheton men sona ugta hai