hamko maaloom hai jannat ki haqeeqat lekin dil ke KHush rakhne ko ghalib ye khayal achha hai

isi li.e to main roya nahin bichhadte samay tujhe ravana kiya hai juda nahin kiya hai

sochun to saari umr mohabbat men kat gaii dekhooñ to ek shaKHs bhi meraa nahin hua

dil na-umeed to nahin naakaam hi to hai lambi hai gham ki shaam magar shaam hi to hai

ghar men bhi dil nahin lag raha kaam par bhi nahin ja raha jaane kya KHauf hai jo tujhe choom kar bhi nahin ja raha raat ke teen bajne ko hai yaar ye kaisa mahboob hai jo gale bhi nahin lag raha aur ghar bhi nahin ja raha

yaar sab jama hue raat ki khaamoshi men koi ro kar to koi baal banaa kar aaya

ham apni dhoop men baithe hain mushtaaq hamaare saath hai saaya hamaara

roz milne pe bhi lagta tha ki jug beet ga.e ishq men vaqt ka ehsaas nahin rehta hai

main bahut KHush tha kaddi dhoop ke sannaate men kyun teri yaad ka baadal mere sar par aaya

ye paani KHaamushi se bah raha hai ise dekhen ki is men doob jaayen