tumse mil kar itni to ummeed hui hai is duniya men vaqt bitaya ja saka hai

lad sako duniya se jazbon men vo shiddat chahiye ishq karne ke li.e itni to himmat chahiye kam se kam maine chhupa li dekh kar cigarette tumhein aur is ladke se tumko kitnii izzat chahiye

hamko dil se bhi nikala gaya phir shahar se bhi hamko patthar se bhi maara gaya phir zehar se bhi

teri soorat se hai aalam men bahaaron ko sabaat teri aankhoñ ke siva duniya men rakha kya hai

tumhaari aankhoñ ki tauheen hai zara socho tumhaara chaahne vaala sharaab peeta hai

koocha-e-ishq men nikal aaya jis ko khaana-kharaab hona tha

jo un pe guzarti hai kis ne use jaana hai apni hi museebat hai apna hi fasana hai

husn ko bhi kahaan naseeb jigar vo jo ik shay mirii nigaah men hai

ibtida vo thii ki jeena tha mohabbat men muhaal intiha ye hai ki ab marna bhi mushkil ho gaya

jo toofaanon men palte ja rahe hain vahii duniya badalte ja rahe hain