ye shahar-e-ajnabi men ab kise ja kar bataayen ham kahaan ke rahne waale hain kahaan ki yaad aati hai

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

kabootar ishq ka utre to kaise tumhaari chat pe nigraani bahut hai iraada kar liya gar khudkushi ka to KHud ki aankh ka paani bahut hai

doori hui to unse qareeb aur ham hue ye kaise faasle the jo badhne se kam hue

zindagi par likh diya tha naam maine raam ka aur phir dukh ke samundar paar saare ho ga.e

teri taarif karne lag ga.e hain tere dushman hamaare she'r sunke

ek ghalat-fehmi ne zinda rakha hai she'r mere vo chupke chupke padhti hai

do dafa ghussa hue vo ek ghalti par meri raat ki roti savere kaam men laai gaii

rooh meri ab karegi intizaar qabr men ye phone bhi rakh deejie