vaqt rehta nahin kahii tik kar aadat is ki bhi aadmi si hai

gunaahgaar ko itnaa pata to hota hai jahaan koii nahin hota KHuda to hota hai

kuchh to majbooriyaan rahi hongi yuñ koi be-vafa nahin hota

kaisa dil aur is ke kya gham jee yuñ hi baatein banaate hain ham jee

hai kuchh aisa ki jaise ye sab kuchh is se pahle bhi ho chuka hai kahii

yahii hai zindagi to zindagi se KHud-kushi achchhii ki insaan aalam-e-insaaniyat par baar ho jaa.e

jo un pe guzarti hai kis ne use jaana hai apni hi museebat hai apna hi fasana hai

dil men kisi ke raah ki.e ja raha hooñ main kitna haseen gunaah ki.e ja raha hooñ main

apna zamaana aap banaate hain ahl-e-dil ham vo nahin ki jinko zamaana banaa gaya

us ne apna banaa ke chhod diya kya aseeri hai kya rihaai hai