koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

khu dii ko kar buland itnaa ki har taqdeer se pahle KHuda bande se KHud pooche bataa teri raza kya hai

shaakhon se toot jaayen vo patte nahin hain ham aandhi se koi kah de ki auqaat men rahe

ab main saare jahaan men hooñ badnaam ab bhi tum mujh...ko jaanti ho kya

dil se saabit karo ki zinda ho saans lena koi suboot nahin

jaisa dikhaai dene kii karte ho koshishein main khoob jaanta hooñ ki aise nahin ho tum

zaraa sa qatra kahii aaj agar ubharta hai samundron hi ke lehje men baat karta hai

is daur-e-munsifi men zaroori nahin 'waseem' jis shaKHs ki KHataa ho usii ko sazaa mile

tumhaara pyaar to saanson men saans leta hai jo hota nashsha to ik din utar nahin jaata

vo mere ghar nahin aata main us ke ghar nahin jaata magar in ehtiyaaton se taalluq mar nahin jaata