ab main saare jahaan men hooñ badnaam ab bhi tum mujh...ko jaanti ho kya

kuchh na rah sakaa jahaan viraaniyaan to rah gaiin tum chale ga.e to kya kahaaniyaan to rah gaiin

main akela hi chala tha jaanib-e-manzil magar log saath aate ga.e aur kaarwaan banta gaya

usoolon pe jahaan aanch aa.e takr aanaa zaroori hai jo zinda hon to phir zinda nazar aanaa zaroori hai

jagah ki kaid nahin thii koi kahii baithe jahaan maqaam hamaara tha ham wahin baithe ameer ae shehar ke aane pe uthna padta hai lihaaza agli safoon men kabhi nahin baithe

na jaane kis li.e ummeed-waar baitha hooñ ik aisi raah pe jo teri raahguzaar bhi nahin

ik fursat-e-gunah mili vo bhi chaar din dekhe hain ham ne hausale parvardigaar ke

aur kya dekhne ko baqi hai aap se dil laga ke dekh liya

aa.e to yuñ ki jaise hamesha the mehrbaan bhule to yuñ ki goya kabhi aashna na the

ye daagh daagh ujaala ye shab-gazeeda sehar vo intizaar tha jis ka ye vo sehar to nahin