bas ye diqqat hai bhulaane men use uske badle men kis ko yaad karen

teri nigaah-e-naaz se chhoote hue darakht mar jaayen kya karen bataa sukhe hue darakht hairat hai ped neem ke dene lage hain aam pagla ga.e hain aapke choo men hue darakht

kahaanii khatm hui aur aisi khatm hui ki log rone lage taaliyan bajaate hue

apne samaan ko baandhe hue is soch men hooñ jo kahii ke nahin rahte vo kahaan jaate hain

aise haalaat se majboor bashar dekhe hain asal kya sood men bikte hue ghar dekhe hain hamne dekha hai wazaadar gharaanon ka jawaal hamne sadkon pe kaii shah zafar dekhe hain

is baagh men vo sang ke qaabil kaha na jaa.e jab tak kisi samar ko meraa dil kaha na jaa.e

sutoon-e-daar pe rakhte chalo saroon ke charaaghh jahaan talak ye sitam ki siyaah raat chale

mujhe ye fikr sab ki pyaas apni pyaas hai saaqi tujhe ye zid ki khaali hai mira paimaana barson se

majrooh qafile ki mire dastaan ye hai rahbar ne mil ke loot liya raahzan ke saath

ab kaargah-e-dehr men lagta hai bahut dil ai dost kahii ye bhi tira gham to nahin hai