tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

kisi ko ghar se nikalte hi mil gaii manzil koi hamaari tarah umr bhar safar men raha

shaakhon se toot jaayen vo patte nahin hain ham aandhi se koi kah de ki auqaat men rahe

sochun to saari umr mohabbat men kat gaii dekhooñ to ek shaKHs bhi meraa nahin hua

sutoon-e-daar pe rakhte chalo saroon ke charaaghh jahaan talak ye sitam ki siyaah raat chale

rok saka ha men zindaan-e-bala kya majrooh ham to awaaz hain deewaar se chan jaate hain

majrooh qafile ki mire dastaan ye hai rahbar ne mil ke loot liya raahzan ke saath

badhaai may jo mohabbat se aaj saaqi ne ye kaanpe haath ki saaghar bhi ham utha na sake

bahaane aur bhi hote jo zindagi ke li.e ham ek baar teri aarzoo bhi kho dete