jo khandaani raeis hain vo mizaaj rakhte hain narm apna tumhaara lahjaa bataa raha hai tumhaari daulat nayi nayi hai

main kis se poochoon ye rastaa durust hai ki galat jahaan se koi guzarta nahin vahaañ hooñ main

ghar ki is baar mukammal main talaashi loonga gham chhupa kar mire maa baap kahaan rakhte the

aaj ham dono ko furqat hai chalo ishq karein ishq dono ki zaroorat hai chalo ishq karen

kuchh na rah sakaa jahaan viraaniyaan to rah gaiin tum chale ga.e to kya kahaaniyaan to rah gaiin

is baagh men vo sang ke qaabil kaha na jaa.e jab tak kisi samar ko meraa dil kaha na jaa.e

ab kaargah-e-dehr men lagta hai bahut dil ai dost kahii ye bhi tira gham to nahin hai

Sunte hain ki kante se gul tak hain raah mein laakho veerane

mujhe ye fikr sab ki pyaas apni pyaas hai saaqi tujhe ye zid ki khaali hai mira paimaana barson se

badhaai may jo mohabbat se aaj saaqi ne ye kaanpe haath ki saaghar bhi ham utha na sake