tu mohabbat se koi chaal to chal haar jaane ka hausla hai mujhe

shaayad mujhe kisi se mohabbat nahin hui lekin yaqeen sab ko dilaata raha hooñ main

bichadkar uskaa dil lag bhi gaya to kya lagega vo thak jaayega aur mere gale se aa lagega main mushkil men tumhaare kaam aaun ya na aaun mujhe awaaz de lena tumhe achha lagega

ye mujhe chain kyun nahin padta ek hi shaKHs tha jahaan men kya

hui muddat ki ghalib mar gaya par yaad aata hai vo har ik baat par kehna ki yuñ hota to kya hota

dasht jaisi ujaad hain aañkhen in dareechon se KHvaab kya jhaanken

us ke dil ki aag thandi pad gaii mujh ko shohrat mil gaii ilzaam se

vo kabhi aaghaaz kar sakte nahin khauf lagta hai jinhen anjaam se

bichhad jaayenge ham dono zameen par ye us ne aasmaañ par likh diya hai

jahaan waalon se kah do yahaañ se hat jaayen KHuda ke aur mere darmiyaañ se hat jaayen