koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

shaakhon se toot jaayen vo patte nahin hain ham aandhi se koi kah de ki auqaat men rahe

sochun to saari umr mohabbat men kat gaii dekhooñ to ek shaKHs bhi meraa nahin hua

teri soorat se hai aalam men bahaaron ko sabaat teri aankhoñ ke siva duniya men rakha kya hai

kuchh baat hai ki hasti mitati nahin hamaari sadiyon raha hai dushman daur e zamaan hamaara

vasl men rang ud gaya meraa kya judaai ko munh dikhaaunga

phool gul shams-o-qamar saare hi the par ha men un men tumhiin bhaaye bahut

shaam se kuchh bujha sa rehta hooñ dil hua hai charaaghh muflis ka

meer ke deen-o-mazhab ko ab poochte kya ho un ne to qashka kheecha dair men baitha kab ka tark islaam kiya

tak gor-e-ghareeban ki kar sair ki duniya men un zulm-raseedon par kya kya na hua hogaa