tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

Ham ne us ko itnaa dekha jitnaa dekha ja sakta tha lekin phir bhi do aankhoñ se kitnaa dekha ja sakta tha

ham bhi gaav men shaam ko baitha karte the hamko bhi haalaat ne baahar bheja hai

tere siva bhi kaii rang KHush nazar the magar jo tujhko dekh chuka ho vo aur kya dekhe

meraa armaan meri KHvaahish nahin hai ye duniya meri basaaoge nahin hai main tere KHvaab waapas kar raha hooñ meri aankhoñ men gunjaish nahin hai

ye taaeron ki qataarein kidhar ko jaati hainna koi daam bichha hai kahii na daana hai

parind ped se parvaaz karte jaate hain ki bastiyon ka muqaddar badalta jaata hai

dekhne ke li.e saara aalam bhi kam chaahne ke li.e ek chehra bahut

parind kyun mirii shaakhon se khauf khaate hain ki ik darakht hooñ aur saaya-daar main bhi hooñ