tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

shaakhon se toot jaayen vo patte nahin hain ham aandhi se koi kah de ki auqaat men rahe

kisi ko ghar se nikalte hi mil gaii manzil koi hamaari tarah umr bhar safar men raha

ye maine kab kaha ki mere haq men faisla kare agar vo mujh se KHush nahin hai to mujhe juda kare main uske saath jis tarah guzaarta hooñ zindagi use to chahiye ki meraa shukriya ada kare

teri soorat se hai aalam men bahaaron ko sabaat teri aankhoñ ke siva duniya men rakha kya hai

bosa honton ka mil gaya kis ko dil men kuchh aaj dard meetha hai

ustaad ke ehsaan ka kar shukr muneer aaj ki ahl-e-sukhan ne tiri taa'riif badi baat

mahroom hooñ main khidmat-e-ustaad se muneer kolkata mujh ko gor se bhi tang ho gaya