koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

main chahta hooñ mohabbat meraa vo haal kare ki KHvaab men bhi dobara kabhi majaal na ho

tu mohabbat se koi chaal to chal haar jaane ka hausla hai mujhe

ye mujhe chain kyun nahin padta ek hi shaKHs tha jahaan men kya

le de ke apne paas faqat ik nazar to hai kyun dekhen zindagi ko kisi ki nazar se ham

munhdim hota chala jaata hai dil saal-b-saal aisa lagta hai girah ab ke baras tootti hai

ghar se nikle hue beton ka muqaddar maaloom maa ke qadmon men bhi jannat nahin milne waali

khula fareb-e-mohabbat dikhaai deta hai ajab kamaal hai us be-vafa ke lehje men

dua ko haath uthaate hue larzata hooñ kabhi dua nahin maangi thii maa ke hote hue

betiyaan baap ki aankhoñ men chhupe KHvaab ko pahchaanti hain aur koi doosra is KHvaab ko padh le to bura maanti hain