agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

hazaaron saal nargis apni be-noori pe roti hai badi mushkil se hota hai chaman men deeda-war paida

ab main saare jahaan men hooñ badnaam ab bhi tum mujh...ko jaanti ho kya

isi li.e to sabse zyaada bhaati ho kitne sacche dil se jhoothi qasmen khaati ho

teraa chup rahna mere zehan men kya baith gaya itni aawaazen tujhe deen ki gala baith gaya

shab ki hawa se haar gaii mere dil ki aag yakh-basta shahar men koi radd-o-badal na tha

hawa KHafaa thii magar itni sang-dil bhi na thii humeen ko shama jalane ka hausla na hua

deewaron se mil kar rona achha lagta hai ham bhi paagal ho jaayenge aisa lagta hai

tumhaare shahar ka mausam badaa suhaana lage main ek shaam chura luun agar bura na lage

tu is tarah se mire saath be-vafaaii kar ki tere baad mujhe koi be-vafa na lage