itni milti hai mirii ghazalon se soorat teri log tujh ko mira mahboob samjhte honge

kabhi jo KHvaab tha vo pa liya hai magar jo kho gaii vo cheez kya thii

us ke chehre ki chamak ke saamne saada laga aasmaañ pe chaand poora tha magar aadha laga

nigaahon ke taqaze chain se marne nahin dete yahaañ manzar hi aise hain ki dil bharne nahin dete humeen un se umeedein aasmaañ choone ki karte hain humeen bacchon ko apne faisley karne nahin dete

mujh ko is lafz ka matlab nahin maaloom magar aapki hamm ne mujhe soch men daala hua hai

shab ki hawa se haar gaii mere dil ki aag yakh-basta shahar men koi radd-o-badal na tha

deewaron se mil kar rona achha lagta hai ham bhi paagal ho jaayenge aisa lagta hai

tu is tarah se mire saath be-vafaaii kar ki tere baad mujhe koi be-vafa na lage

ghar laut ke roenge maa baap akelaa men miTTi ke khilaune bhi saste na the mele men

tumhaare shahar ka mausam badaa suhaana lage main ek shaam chura luun agar bura na lage