tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

kisi ko ghar se nikalte hi mil gaii manzil koi hamaari tarah umr bhar safar men raha

ham vo hain jo KHuda ko bhool ga.e tum meri jaan kis gumaan men ho

bichadkar uskaa dil lag bhi gaya to kya lagega vo thak jaayega aur mere gale se aa lagega main mushkil men tumhaare kaam aaun ya na aaun mujhe awaaz de lena tumhe achha lagega

gale milnaa na milnaa to teri marzi hai lekin tere chehre se lagta hai teraa dil kar raha hai

eid ke baad ka din hai sahab eid ke din bhi kahaan KHush tha main

kitna dilkash tha vo zam aanaa bhi eid thii chhat pe teraa aanaa bhi

dekh kar gaur se guzar jaana kaise seekha hai ye hunar jaana

ab to har baat se dar lagta hai apne haalaat se dar lagta hai raushni bhaati nahin aankhoñ ko chaandni raat se dar lagta hai

teesra shakhs meraa masla tha teesra shakhs main hi niklaa tha