koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

gale to lagana hai us se kaho abhii lag jaa.e yahii na ho meraa us ke baghair jee lag jaa.e main aa raha hooñ tere paas ye na ho ki kahii teraa mazaak ho aur meri zindagi lag jaa.e

ek din ki khuraak hai meri aap ke hain jo poore saal ke dukh

titli se dosti na gulaabon ka shauq hai meri tarah use bhi kitaabon ka shauq hai

zehan se yaadon ke lashkar ja chuke vo meri mehfil se uth kar ja chuke meraa dil bhi jaise pakistan hai sab hukoomat karke baahar ja chuke