chaan dii sona ek taraf teraa hona ek taraf ek taraf teri aañkhen jaadu toona ek taraf

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

use kisi se mohabbat thii aur vo main nahin tha ye baat mujhse zyaada use rulaati thii

ye dukkh alag hai ki usse main door ho raha hooñ ye gham juda hai vo KHud mujhe door kar raha hai tere bichhurne par likh raha hooñ main taza ghazlen ye teraa gham hai jo mujh...ko mashhoor kar raha hai

nahin lagega use dekh kar magar KHush hai main KHush nahin hooñ magar dekh kar lagega nahin

kisi ko dhoondte hain ham kisi ke paikar men kisi ka chehra kisi se milaate rahte hain

doston ke saath chalne men bhi khatre hain hazaar bhool jaata hooñ hamesha main sambhal jaane ke baa'd ab zaraa sa fasla rakh kar jalata hooñ charaaghh tajurba ye haath aaya haath jal jaane ke baa'd

pooch rahe hain mujhse pedon ke saudaagar aab-o-hawa kaise zaahreeli ho jaati hai

kabhi kabhi kitna nuksaan uthaana padta hai airon ghairon ka ehsaan uthaana padta hai

tabdeeliyon ka nashsha mujh par chadha hua hai kapde badal raha hooñ chehra badal raha hooñ