le de ke apne paas faqat ik nazar to hai kyun dekhen zindagi ko kisi ki nazar se ham

hazaaron saal nargis apni be-noori pe roti hai badi mushkil se hota hai chaman men deeda-war paida

poochte hain vo ki ghalib kaun hai koi batlaao ki ham batlaayein kya

agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

doston ke saath chalne men bhi khatre hain hazaar bhool jaata hooñ hamesha main sambhal jaane ke baa'd ab zaraa sa fasla rakh kar jalata hooñ charaaghh tajurba ye haath aaya haath jal jaane ke baa'd

kabhi kabhi kitna nuksaan uthaana padta hai airon ghairon ka ehsaan uthaana padta hai

haath pakad le ab bhi teraa ho saktaa hooñ main bheed bahut hai is mele men kho saktaa hooñ main

tabdeeliyon ka nashsha mujh par chadha hua hai kapde badal raha hooñ chehra badal raha hooñ

pooch rahe hain mujhse pedon ke saudaagar aab-o-hawa kaise zaahreeli ho jaati hai