ham vo hain jo KHuda ko bhool ga.e tum meri jaan kis gumaan men ho

agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

poochte hain vo ki ghalib kaun hai koi batlaao ki ham batlaayein kya

main agar apni jawaani ke suna doon qisse ye jo launde hain mere paanv dabane lag jaa.e

baat karo roothe yaaron se sannaaton se dar jaate hain pyaar akelaa jee leta hai dost akelaa mar jaate hain

bol ki lab azaad hain tere bol zabaan ab tak teri hai

unhin ke faiz se bazaar-e-aql raushan hai jo gaah gaah junoon ikhtiyaar karte rahe

vo baat saare fasaane men jis ka zikr na tha vo baat un ko bahut na-gawaar guzri hai

zindagi kya kisi mufalis ki qaba hai jis men har ghadi dard ke paivand lage jaate hain

ye aarzoo bhi badi cheez hai magar hamdam visaal-e-yaar faqat aarzoo ki baat nahin