le de ke apne paas faqat ik nazar to hai kyun dekhen zindagi ko kisi ki nazar se ham

apne samaan ko baandhe hue is soch men hooñ jo kahii ke nahin rahte vo kahaan jaate hain

jab bhi uski gali men bhraman hota hai uske dwaar par aatmasamarpan hota hai kis kis se tum dosh chupaoge apne priye apna man bhi darpan hota hai

koi deewaana kahtaa hai koi paagal samajhta hai magar dharti ki bechaini ko bas baadal samajhta hai

chehra dhundla sa tha aur sunhare jhumke the baadal ne kaanon men chaand ke tukde pahne the ik dooje ko khone se ham itnaa darte the ghussa bhi hote to baatein karte rahte the

kis ne dekhe hain tiri rooh ke rishte hue zaKHm kaun utara hai tire qalb kii gehraai men

aur badh jaati hai kuchh lafz-o-bayaan kii taaseer lafz jab ashk kii soorat men ada hota hai

pahle ye shukr ki ham hadd-e-adab se na badhe ab ye shikwa ki sharaafat ne kahiin ka na rakha

tahni pe KHamosh ik parinda maazi ke ult raha hai daftar

KHaamosh zindagi jo basar kar rahe hain ham gehre samundron men safar kar rahe hain ham