nikaal laaya hooñ ek pinjare se ik parinda ab is parinde ke dil se pinjra nikaalna hai

vo kisi ke saath KHush tha kitne dukh ki baat thii ab mere pahluu men aa kar ro raha hai KHush hooñ main

apne men'yaar se neeche to main aane se raha she'r bhookha hooñ magar ghaas to khaane se raha

main unhin aabaadiyon men jee raha hota kahii tum agar hanste nahin us din meri taqdeer par

haal ye hai ki apni haalat par gaur karne se bach raha hooñ main

kis ne dekhe hain tiri rooh ke rishte hue zaKHm kaun utara hai tire qalb kii gehraai men

aur badh jaati hai kuchh lafz-o-bayaan kii taaseer lafz jab ashk kii soorat men ada hota hai

ham apne haal-e-pareshaan pe baarha roye aur uske baad hañsi ham ko baarha aayi

pahle ye shukr ki ham hadd-e-adab se na badhe ab ye shikwa ki sharaafat ne kahiin ka na rakha

KHaamosh zindagi jo basar kar rahe hain ham gehre samundron men safar kar rahe hain ham