bhej deta hooñ magar pahle bataa doon tujh ko mujh se milta nahin koi mirii tasveer ke baad

ke hello sunte hi kat kar diya hai usne meraa phone KHuda ka shukr hai aawaaz to pahchaanta hai vo

gham-e-furqat ka shikwa karne waali meri maujoodgi men so rahi hai

tariqe aur bhi hain is tarah parkha nahin jaata charaaghon ko hawa ke saamne rakha nahin jaata mohabbat faisla karti hai pahle chand lamhon men jahaan par ishq hota hai vahaañ socha nahin jaata

patthar pahle KHud ko patthar karta hai uske baad hi kuchh kaarigar karta hai

aur badh jaati hai kuchh lafz-o-bayaan kii taaseer lafz jab ashk kii soorat men ada hota hai

kis ne dekhe hain tiri rooh ke rishte hue zaKHm kaun utara hai tire qalb kii gehraai men

ham apne haal-e-pareshaan pe baarha roye aur uske baad hañsi ham ko baarha aayi

tahni pe KHamosh ik parinda maazi ke ult raha hai daftar

KHaamosh zindagi jo basar kar rahe hain ham gehre samundron men safar kar rahe hain ham