ye alag baat ki KHaamosh khade rahte hain phir bhi jo log bade hain vo bade rahte hain

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

sochun to saari umr mohabbat men kat gaii dekhooñ to ek shaKHs bhi meraa nahin hua

teri soorat se hai aalam men bahaaron ko sabaat teri aankhoñ ke siva duniya men rakha kya hai

hamaare baad tere ishq men naye ladke badan to choomenge zulfen nahin sanvaarenge

saari duniya ko hai galat-fahmi mujh pe tu mehrbaan hai pyaare

mujhe to is khabar ne kho diya hai suna hai main kahii paaya gaya hooñ

nahin itaab-e-zamaana khitaab ke qaabil tira javaab yahii hai ki muskuraaye ja

jis ne is daur ke insaan ki.e hain paida vahii meraa bhi KHuda ho mujhe manzoor nahin

dekha jo kha ke teer kameen-gaah ki taraf apne hi doston se mulaqaat ho gaii