kya khabar kaun tha vo aur meraa kya lagta tha jisse milkar mujhe har shaKHs bura lagta tha

nahin lagega use dekh kar magar KHush hai main KHush nahin hooñ magar dekh kar lagega nahin

aur phir ek din baithe baithe mujhe apni duniya burii lag gayi jis..ko aabaad karte hue mere maan-baap ki zindagi lag gayi

mujhe azaad kar do ek din sab sach bataa kar tumhaare aur uske darmiyaañ kya chal raha hai

ab main saare jahaan men hooñ badnaam ab bhi tum mujh...ko jaanti ho kya

kyun hijr ke shikwe karta hai kyun dard ke rone rota hai ab ishq kiya to sabr bhi kar is men to yahii kuchh hota hai

saari duniya ko hai galat-fahmi mujh pe tu mehrbaan hai pyaare

dekha jo kha ke teer kameen-gaah ki taraf apne hi doston se mulaqaat ho gaii

nahin itaab-e-zamaana khitaab ke qaabil tira javaab yahii hai ki muskuraaye ja

ilaahi ek gham-e-rozgaar kya kam tha ki ishq bhej diya jaan-e-mubtala ke li.e