kabhi to chaunk ke dekhe koi hamaari taraf kisi ki aankh men ham ko bhi intizaar dikhe

akshar hi zakhm ishq men pale hain auratein par kitne toote mard sambhaale hain auratein

muddatein guzar gayi hisaab nahin kiyana jaane ab kiske kitne rah ga.e ham

main us se ye to nahin kah raha juda na kare magar vo kar nahin saka to phir kaha na kare vo jaise chhod gaya tha mujhe use bhi kabhi KHuda kare ki koi chhod de KHuda na kare

bheegin palken dekh kar tu kyun ruka hai KHush hooñ main vo to meri aankh men kuchh aa gaya hai KHush hooñ main vo kisi ke saath KHush tha kitne dukkh ki baat thii ab mere pahluu men aa kar ro raha hai KHush hooñ main

ye saal bhi udaasiyaan de kar chala gaya tum se mile baghair december chala gaya

takra gaya vo mujh se kitaaben li.e hue phir meraa dil aur us kii kitaaben bikhar gaiin

bosa jo talab main ne kiya hañs ke vo bole ye husn ki daulat hai lutaai nahin jaati

chal diye ghar se to ghar nahin dekha karte jaane waale kabhi mud kar nahin dekha karte seepiyaan kaun kinaare se utha kar bhaaga aisi baate samandar nahin dekha karte

kya qayamat hai ki aariz un ke neele pad ga.e ham ne to bosa liya tha KHvaab men tasveer ka