agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

saKHtii thodii laazim hai par patthar hona theek nahin hindu muslim theek hai sahab kattar hona theek nahin

bahut pahle se un qadmon ki aahat jaan lete hain tujhe ai zindagi ham door se pahchaan lete hain

jab bhi ghanti bajti hai aur naam tumhaara aata hai haath se pahle dil meraa ye phone uthaane jaata hai

laakhon sad men dheron gham phir bhi nahin hain aañkhen nam ik muddat se roye nahin kya patthar ke ho ga.e ham

guzishta saal ke zakhamo hare-bhare rahna juloos ab ke baras bhi yahiin se niklega

vo chahta tha ki kaasa khareed le meraa main us ke taaj ki qeemat laga ke laut aaya

saath chalna hai to talwaar utha meri tarah mujhse buzdil kii himayat nahin hone waali

us ki yaad aayi hai saanso zaraa aahista chalo dhadkano se bhi ibadat men khalal padta hai

teri har baat mohabbat men gawara kar ke dil ke bazaar men baithe hain khasaara kar ke aasmaanon ki taraf fenk diya hai main ne chand miTTi ke charaaghon ko sitaara kar ke