tum mohabbat ko khel kahte ho ham ne barbaad zindagi kar li

sair kar duniya ki ghaafil zindagaani phir kahaan zindagi gar kuchh rahi to ye jawaani phir kahaan

tu mohabbat se koi chaal to chal haar jaane ka hausla hai mujhe

dhoop men niklo ghataon men naha kar dekho zindagi kya hai kitaabon ko hata kar dekho

ilaaj apna karate phir rahe ho jaane kis kis se mohabbat kar ke dekho na mohabbat kyun nahin karte

mujh se raston ka bichadna nahin dekha jaata mujh se milne vo kisi mod pe aaya na kare

in makeenon ka sulook apni jagah dar-o-deewar pe hairat hai mujhe

vo haal tha ki bas mira uthna muhaal tha lekin phir ek KHvaab ki takmeel se utha

hamaari subah kisi shaam se nahin milti ye vo thakan hai jo aaraam se nahin milti

haal poocha na kare haath milaaya na kare main isee dhoop men KHush hooñ koi saaya na kare