bichadkar uskaa dil lag bhi gaya to kya lagega vo thak jaayega aur mere gale se aa lagega main mushkil men tumhaare kaam aaun ya na aaun mujhe awaaz de lena tumhe achha lagega

muddaton baad ik shaKHs se milne ke li.e aaina dekha gaya baal sanwaare ga.e

jaanta hooñ ki tujhe saath to rakhte hain kaii poochna tha ki teraa dhyaan bhi rakhta hai koi

main tere baad koi tere jaisa dhoondhta hooñ jo be-vafaaii kare aur be-vafa na lage

hazaar ishq karo lekin itnaa dhyaan rahe ki tum ko pahli mohabbat ki baddua na lage

ye jism tang hai seene men bhi lahu kam hai dil ab vo phool hai jis men ki rang-o-boo kam hai

vo nasha hai ke zabaan aql se karti hai fareb tu mirii baat ke mafhoom pe jaata hai kahaan

makeen-e-dil ko khaanuma-kharaabiyo'n se ishq tha qayaam dhoondhta raha tumhaari chat ke baad bhi

main tujh se milne samay se pahle pahunch gaya tha so tere ghar ke qareeb aa kar bhatk raha hooñ

tamaam hosh zabt ilm maslahat ke baad bhi phir ik KHataa main kar gaya tha maazrat ke baad bhi