koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

ye alag baat ki KHaamosh khade rahte hain phir bhi jo log bade hain vo bade rahte hain

ham vo hain jo KHuda ko bhool ga.e tum meri jaan kis gumaan men ho

agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

shaakhon se toot jaayen vo patte nahin hain ham aandhi se koi kah de ki auqaat men rahe

tere kehne se ye jaadu nahin hone vaala ab sitaara koii jugnoo nahin hone vaala phir bhi betaab hooñ kitna main teraa hone ko jaanta hooñ ki meraa tu nahin hone vaala

logon ko us ka naam bataane se rah gaya ik lafz tha jo she'r men aane se rah gaya is baar bhi usii kii sooni us kii maan li is baar bhi main apni sunaane se rah gaya

ba dii jal dii men tha us din zaraa bechain bhi tha vo use kehna tha kuchh mujhse magar vo kah nahin paaya

haakim ko ik chitthi likkho sab ke sab aur us men bas itnaa likhna laanat hai

jis shay par vo ungli rakh de us ko vo dilwaani haius ki khushiyaan sab se awwal sasta mehnga ek taraf