tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

bichhad ga.e to ye dil umr bhar lagega nahin lagega lagne laga hai magar lagega nahin nahin lagega use dekh kar magar KHush hai main KHush nahin hooñ magar dekh kar lagega nahin

teri soorat se hai aalam men bahaaron ko sabaat teri aankhoñ ke siva duniya men rakha kya hai

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

tumhein ham bhi sataane par utar aayen to kya hogaa tumhaara dil dukhaane par utar aayen to kya hogaa ha men badnaam karte phir rahe ho apni mehfil men agar ham sach bataane par utar aayen to kya hogaa

log kahte hain ki tu ab bhi KHafaa hai mujh se teri aankhoñ ne to kuchh aur kaha hai mujh se

sau chaand bhi chamkengi to kya baat banegi tum aa.e to is raat ki auqaat banegi

aur kya is se ziyaada koi narmi bartoon dil ke zaKHmon ko chhua hai tire gaalon ki tarah

log kahte hain ki tu ab bhi KHafaa hai mujh se teri aankhoñ ne to kuchh aur kaha hai mujh se

ashaar mire yuñ to zamaane ke li.e hain kuchh she'r faqat un ko sunaane ke li.e hain ye ilm ka sauda ye risaale ye kitaaben ik shaKHs ki yaadon ko bhulaane ke li.e hain