KHamoshii to yahii batla rahi hai udaasi raas mujh...ko aa rahi hai mujhe jin galatiyon se seekhna tha vahii phir zindagi dohraa rahi hai

subh-e-magroor ko vo shaam bhi kar deta hai shohraten cheen ke gumnaam bhi kar deta hai vaqt se aankh milaane ki himaakat na karo vaqt insaan ko neelaam bhi kar deta hai

jab bhi ghanti bajti hai aur naam tumhaara aata hai haath se pahle dil meraa ye phone uthaane jaata hai

tune dekhi hai vo peshaani vo rukhsaar vo hont zindagi jinke tasavvur men luta dii hamne tujhpe uthi hain vo khoi hui saahir aañkhen tujhko maaloom hai kyuuñ umr ganwa dii hamne

dekhiye kaise koii dhota hai apni zindagi aap mere haal men haalaat rakhkar dekhiye

ummeed ke vaadon se jee kuchh to bahalta tha ab ye bhi tere gham ko manzoor nahin hote

ik muamma hai samajhne ka na samjhaane ka zindagi kahe ko hai KHvaab hai deewane ka

sune jaate na the tumse mire din raat ke shikwe kafan sarkaao meri be-zabaani dekhte jaao

yuñ na qaateel ko jab yaqeen aaya ham ne dil khol kar dikhaai chot

ab na kaanton hi se kuchh laag na phoolon se lagao ham ne dekha hai tamasha teri raa'naai ka