koi KHaamosh zakham lagti hai zindagi ek nazm lagti hai

main ne muddat se koi KHvaab nahin dekha hai haath rakh de meri aankhoñ pe ki neend aa jaa.e

hamko hamaari neend bhi waapas nahin mili logon ko unke KHvaab jaga kar diye ga.e

ye ek baat samajhne men raat ho gaii hai main us se jeet gaya hooñ ki maat ho gaii hai

nahin dekhi hai shakal tak uski KHvaab men kiski shakal dekhooñ main

ummeed ke vaadon se jee kuchh to bahalta tha ab ye bhi tere gham ko manzoor nahin hote

sune jaate na the tumse mire din raat ke shikwe kafan sarkaao meri be-zabaani dekhte jaao

har nafs umr-e-guzishta kii hai mayyat faani zindagi naam hai mar mar ke ji.e jaane ka

ab na kaanton hi se kuchh laag na phoolon se lagao ham ne dekha hai tamasha teri raa'naai ka

har museebat ka diya ek tabassum se javaab is tarah gardish-e-dauraan ko rulaaya maine